វិចិត្រសាល

ករណីសិក្សាស្តីពីការធ្វើអោយប្រសើរឡើងនូវហិរញ្ញវត្ថុសហគមន៏

ឃុំទំនប់រលកស្ថិតនៅត្រង់ឆ្នេរនៃឆកសមុទ្រកំពង់សោមក្នុងស្រុកស្ទឹងហាវ ប្រជាជនរស់នៅទីនោះភាគច្រើនមានជីវភាព​លំបាកដោយ៨០%ប្រករបរនេសាទនិងការលក់ដូរម្ហូបអាហារសមុទ្រ ហើយ២០%បម្រើការផ្នែកសេវាកម្មផ្សេងៗ។ ស្ថានភាពរស់នៅរបស់ពួកគេមិនជាល្អឡើយ ដោយនេសាទត្រីក្នុង​សមុទ្ររួមទាំងការលក់ដូរផលនេសាទតាមបែបប្រពៃណីមិនមានជំនាញនិងបច្ចេកទេសដែលឆ្លើយតបទៅ​តាម​ទីផ្សារ​ឡើយ។

ដើម្បីចូលរួមដោះ​ស្រាយនូវស្ថាភាព​បែបនេះ អង្គការមរតកបានផ្តួចផ្តើមគំនិតពិភាក្សាក្នុងចំណោមអ្នកភូមិដោយការ​ប្រើប្រាស់មូលនិធិបង្វិល(CRF)ក្នុងការអភិវឌ្ឍន៍សហគមន៍។ ដោយមានការ​គាំទ្រយ៉ាង​ពេញទំហឹងពីអ្នកភូមិក្នុងការ​បង្កើត​មូលនិធិបង្វិលនេះ ពួកគេបានជ្រើរើសគណៈកម្មការមួយមានសមាសភាព៥រូបហៅថាគណកម្មការគ្រប់គ្រង​មូលនិធិបង្វិលដើម្បីជួយអ្នក​ភូមិក្នុងការទទួល​បានប្រាក់កម្ចីសម្រាប់ធ្វើ​អោយការ​រកស៊ីរបស់ពួកគេប្រសើរឡើង ដោយអង្គការមរតកជួយផ្នែកបច្ចេកទេសក្នុងការកសាងសមត្ថភាពចាត់ចែងថវិកា ក្នុងការប្រើប្រាស់ប្រាក់កម្ចី រួមទាំងការកសាងនូវរចនាសម្ព័ន​ តួនាទី និងបទបញ្ញាតិផ្សេងៗ​ក្នុងការធ្វើអោយ​មូលនិធិបង្វិល(CRF)​នេះមាន​ប្រសិទ្ធភាព។

បច្ចុប្បន្ន សមាជិកនៃCRFមានសមត្ថភាពក្នុងការដំណើការមូលនិធិបង្វិលនេះបានយ៉ាងល្អ ដោយសមាជិក​ក្នុងសហគមន៍មានការរីករាយទទួលយកមូលនិធិក្នុងការប្រកបអាជីវកម្មខ្នាតតូច។

លោកស្រី ស៊ី អ៊ី ដែលជាអ្នកដឹកនាំនៃCRFមានប្រសាសន៍ថា  ៉​មុនពេលមានCRFអ្នកភូមិព្យាយាមខ្ចីលុយពី​គ្រឹះស្ថានម៉ាក្រូហិរញ្ញវត្ថុ​ ដោយតម្រូវអោយមានដាក់នូវប័ណ្ណកម្មសិទ្ធអចលនទ្រព្យផ្សេងៗ ហើយនេះវាពិបាក​ណាស់សម្រាប់អ្នកភូមិក្រីក្រ។ ចាប់តាំងពីCRFត្រូវបានបង្កើតឡើងអ្នកក្រីក្រក៍អាចទទួលបានប្រាក់កម្ចីពីCRF ដោយមិនបាច់មានប័ណ្ណបញ្ជាក់អំពីទ្រព្យសម្បត្តិ។  ៉​Tumnop Rolok community revolving fund members receive training from Morodok staff.

លោកស្រីបានសម្តែងអំពីអារម្មណ៍របស់លោកស្រីថា   ៉ខ្ញុំស្ទើតែមិនជឿខ្លួនឯងថា ខ្ញុំអាចដឹកនាំនិងចាត់ចែងហិរញ្ញវត្ថុ​នៃCRFមានប្រសិទ្ធភាពជាមួយក្រុមសហគ្រិនមួយចំនួន ឥឡូវខ្ញុំមានជំនាញនិងទទួលបានការបណ្តុះបណ្តាល​ភាពជាអ្នកដឹកនាំ ចាត់ចែង ការគ្រប់គ្រងប្រាក់កម្ចី និងជំនាញរកស៊ីពីអង្គការមរតក។ ខ្ញុំគិតថាCRFល្អក្នុងការជួយ​ប្រជាជនក្រីក្រនៅក្នុងសហគមន៍ខ្ញុំក្នុងការធ្វើអោយប្រសើរឡើងនូវស្ថានភាពសេដ្ឋកិច្ច ហើយខ្ញុំនឹងខិតខំព្យាយាម​អោយអស់ពីកំលាំងកាយចិត្តក្នុងការបន្តធ្វើការជាមួយCRFថែមទៀត។

ត្រឡប់ក្រោយ

ករណីសិក្សានៅសហគមន៏នេសាទច្រូយស្វាយ

យើងធ្វើដំណើរប្រមាណប្រហែល១៦៥គ.ម ពីទីក្រុងភ្នំពេញ តាមផ្លូវជាតិ​លេខ៤ រួចបត់ស្តាំមកផ្លូវជាតិ​លេខ៤៨ដោយធ្វើដំណើរ​ប្រហែល១៧គ.ម មកដល់ចំណុចប្រសព្វមួយហើយបត់ឆ្វេង តាមផ្លូវគ្រួសក្រហម​ទៅសហគមន៍នេសាទច្រូយស្វាយមួយ ជាទីកន្លែង​ដែលជាទីចាប់អារម្មណ៍សម្រាប់អ្នកទេសចរណ៍ជាតិនិង​​និង អន្តរជាតិពីព្រោះវាមានឆ្នេរដ៏ស្រស់ស្អាត លំអរដោយព្រៃកោងកាង សំបូរទៅដោយពូជសត្វសមុទ្រច្រើន​ប្រភេទ​ដូចជា៖ បង្គា ក្តាម ខ្យង និងត្រី។ នៅសហគមន៍នេសាទត្រីច្រូយស្វាយមានប្រជាជន​ប្រមាណ​២០០០​គ្រួសារ ហើយពួកគេភាគច្រើន ជាអ្នកនេសាទតូចតាច។

លោក គុណ ហុក ប្រធានសហគមន៍នេសាទ ច្រូយស្វាយនិយាយថា   ៉បច្ចុប្បន្ន ស្រី្តនៅសហគមន៍មានការរវល់ខ្លាំង​មែនទែនក្នុងការរកប្រាក់ចំណូលបន្ថែមតាមរយៈ សកម្មភាពលក់ដូរម្ហូបអាហារសមុទ្រ។ ខ្ញុំកត់សង្កេតឃើញថាមាន​ចំនួនអ្នកទេសចរណ៍មានការកើនឡើងគួរឲ្យ កត់សំគាល់មកដើរលេងនៅសហគមន៍យើង ដែលជាបច្ចៃនាំមាន​ការទិញផលិតផលរបស់សហគមន៍យើងមានការកើនឡើង រួមទាំងសេវាអេកូទេសចរណ៍ផ្សេងៗផងដែរ។​ ខ្ញុំសូម​ថ្លែងអំណរគុណដល់អង្គការមរតកសម្រាប់ការ សម្របសម្រួលនិងគាំទ្រក្នុងការពង្រឹងសហគមន៍នេសាទ ការបង្កើតអេកូទេសចរណ៍និងជាពិសេសជួយដល់ ការរកស៊ីលក់ដូរនិងទីផ្សាម្ហូបអាហារសមុទ្រ ដែលកាលពីមុនមាន​តែបុរសទេដែលចេះនេសាទត្រីដោយបង់សំណាញ់ រកចំណូលដោយការលក់ត្រីដែលទើបរកបានទៅឲ្យអ្នកលក់ដុំ​ដោយមិនកាត់ថ្លៃឡើយ។ សព្វថ្ងៃ សហគមន៍របស់ ខ្ញុំចេះលក់ដូរទាំងម្ហូបសមុទ្រស្រស់និងធ្វើជាផលិតផលផ្សេងៗ មិនសម្រាប់តែអ្នកទេសចរណ៍ប៉ុណ្នោះទេ ប៉ុន្តែថែមទាំង អ្នកលក់ដុំក៍មកទិញផលិតផលនៅភូមិរបស់យើងដែរ ហើយទទួលតម្លៃសមរម្យ។  ៉​លោកគុណ ហុក និយាយទៀតថាគម្រោងអេកូទេសចរណ៍ច្រូយស្វាយបានចូលរួមយ៉ាង​ខ្លាំងក្នុងការបង្កើនចំណូល​ដល់សហគមន៍របស់គាត់។

អ្នកមកទេសចរណ៍អាចមកដោយខ្លួនគេផ្ទាល់ ជាក្រុម  តាមរយៈក្រុមហ៊ុនផ្សេងៗ ឬតាមរយៈអង្គការនានា ដោយមក​ទស្សនាព្រៃកោងកាងដ៏ស្រស់ត្រកាលឆ្នេរសមុទ្រ ដ៏ស្រស់ស្អាត មកហែលទឹកលេង មកចាប់ក្តាមឬខ្យងហើយនិង​ស្ទូចត្រីផងដែរ ហើយឆ្នេរនៅជិតនិងកន្លែងស្នាក់នៅអ្នកទេសចរណ៍ អាចមើលឃើញព្រះអាទិត្យរះយ៉ាងស្រល់ស្អាតនៅ​ពេលព្រលឹម ព្រមទាំងមើលព្រះអាទិត្យលិចនៅពេលល្ងាចទៀតផង។ ពួកគេក៍អាចហៅអាហារពេលព្រឹក អាហារថ្ងៃត្រង់ និងអាហារពេលល្ងាចជាមួយម្ហូបខ្មែរដ៏ឆ្ងាញ់ពិសា​ររបស់សហគមន៍។

ការរៀបចំកម្មវិធីរបស់អង្គការមរតកគឺយោងទៅតាមការធ្វើការវាយតម្លៃជាមួយសហគមន៍ក្នុងស្រុក ដើម្បីធានា​ថាប្រតិបត្តិការគឺវាពិតជាឆ្លើយតបទៅនិងតម្រូវការជាក់លាក់ផ្សេងៗ ហើយកម្មវិធីនិងការខិតខំរបស់អង្គការមរតក​ដើម្បីធ្វើឲ្យប្រសើរឡើងដល់សហគ្រប់គ្រងចាត់ចែងធនធាននេសាទ និងបង្កើនកាលានុវឌ្ឍភាពក្នុងការធ្វើឲ្យប្រសើរ​ឡើងដល់ជីវភាពរស់នៅតាមរយៈការបង្កើនលទ្ធភាពទទួលបានជំនាញគ្រប់គ្រាន់ ដូចជាសេវាទីផ្សារនិង​ហិរញ្ញវត្ថុ​ជាដើម។

 

ត្រឡប់ក្រោយ

ករណីរឿង៖ ការស្តារភាពសុខសាន្តនៅភ្នំទ័ពជាងឡើងវិញ

ការស្តារសន្តិភាពនៅភ្នំទ័ពជាងឡើងវិញ

ភ្នំទ័ពជាងគឺជាកន្លែងស្ងប់ស្ងាត់មួយ អ្នកភូមិនៅមូលដ្ឋានបានថែរក្សាសហគមន៍ព្រៃឈើនៅម្ខាងនៃភ្នំនិងលក់​ទឹកឃ្មុំដែលបានមកពីសម្បុកឃ្មុំនៅក្នុងព្រៃ, ទឹកធ្លាក់បានទាកទាញជាតំបន់អេកូរទេសចរណ៍។

នៅក្នុងខែវិច្ឆិកា ឆ្នាំ២០១៦ សមាជិកនៃសហគមន៍ព្រៃឈើជាច្រើនមានការរវល់ ជាមួយ​ក្រុម​ទេសចរណ៍​យ៉ាង​ធំមួយដែលមិនធ្លាប់មានពីមុន ដែលមានចំនួន១២០នាក់ ដែលរៀបចំឡើងដោយក្រុមបោះជំរុំឈ្មោះ Camid Explorer។ អ្នកភូមិបានបែងចែកគណៈកម្មការផ្សេងៗដោយឡែកពីគ្នា ដោយគណៈកម្មការមួយទទួល​បន្ទុក​ផ្នែក​រដ្ឋបាល ហើយគណៈកម្មការមួយទី២ទទួលខុសត្រូវផ្នែកម្ហូបអាហារ គណៈកម្មការទី៣ទទួលបន្ទុកជា​តំណាង​អ្នកនាំភ្ញៀវ ដើម្បីពន្យល់ប្រាប់ភ្ញៀវអំពីភាពអាថកំបាំងរបស់ព្រៃឈើនិងការលូតលាស់របស់វា និង សត្វព្រៃ​​ផ្សេងៗ។​ ជាសំណាងគណៈកម្មការទទួលបន្ទុកការស្នាក់នៅមិនធ្លាប់ចាត់ចែងក្រុមទេសចរណ៍ធំៗមានពីមុនមក អ្នក​ទេសចរណ៍​នោះស្នាក់នៅក្នុងតង់ផ្សេងៗរបស់ពួកគេ។

អង្គការមរតកជួយអ្នកភូមិក្នុងការរៀបចំអេកូរទេសចរណ៍ ដោយមានការប្រជុំផ្សេងៗ សហការជាមួយអាជ្ញាធរដែនដី រួមទាំងការគាំទ្រផ្នែកបច្ចេកទេសផងដែរ។

បច្ចុប្បន្ន ភ្នំទ័ពជាងលែងជាកន្លែងស្ងាត់ជ្រងំទៀតហើយ។ កាលពីឆ្នាំ១៩៩៦តំបន់នេះជាតំបន់ដែល​ត្រួតត្រា​ដោយ​ពួកខ្មែរក្រហម។ បន្ទាប់ពីមានការទំលាក់អាវុធ ដោយមានការលើកលែងទោសពីរដ្ឋាភិបាល សហគមន៍បាន​​ប្រឈម​និងវិវាទថ្មីមួយទៀតគឺជាមួយក្រុមកាប់ឈើដែលប្រដាប់ដោយអាវុធ ជាមួយក្រុមហ៊ុនកាប់ឈើដែលចូល​មកកាប់​បំពានក្រៅតំបន់សប្បទានរបស់របស់ក្រុមហ៊ុន ជាមួយមេព្រៃដែលរោះរើខ្ទមរបស់អ្នកចំការជាច្រើននៅក្នុង​ព្រៃអភិរក្ស ហើយនិងជាមួយក្រុមហ៊ុនសាងសង់វារីអគ្គិសនីចិនដែលសាងសង់ផ្លូវកាត់ដីស្រែចំការរបស់សហគមន៍។

អង្គការAFSCដែលក្លាយមកជាអង្គការមរតក ជួយក្នុងការក្នុងការដោះស្រាយបញ្ហាដោយសន្តិវិធី តាមរយៈការពិភាក្សា និងសហប្រតិបត្តិការជាមួយអាជ្ញាធរមូលដ្ឋាននានា។ អង្គការAFSCបានណែនាំទៅដល់អ្នកភូមិឳ្យទទួលយក​នូវការ​គ្រប់គ្រង​ចាត់តែងធនធានធម្មជាតិនៅតាមសហគមន៍ និងបាបជួយអ្នកភូមិព្រះអង្គកែវ និងភូមិបាក់អង្រុតបង្កើតជា​សហគមន៍​ព្រៃឈើភ្នំទ័ពជាង។ អង្គការAFSCបានប្រគល់កម្មវិធីនោះមកឳ្យអង្គការមរតកនៅឆ្នាំ២០១១ ហើយភាព​ដូចគ្នា​ខ្លះៗនៃប្រក្រតីបានវិលទៅរកទៅតំបន់ដែលមានជម្លោះនោះ ការនេះជាលទ្ធភាពនៃការបើកចំហតំបន់ជា​សហគមន៍អេកូរទេសចរណ៍ស្រស់ស្អាត។ ​គម្រោងសហគមន៍អេកូរទេសចរណ៍របស់អ្នកភូមឥឡូវនេះ​មានគេហទំព័រ​របស់ខ្លួនហើយៈ www.cbet-ptc.org 

ត្រឡប់ក្រោយ

ករណីរឿង៖មាសសដែលបានមកពីសមុទ្រ

មាសសដែលបានមកពីសមុទ្រ

លោក នួន នឹម អាយុ៣២ឆ្នាំ និងប្រព័ន្ធរបស់គាត់ឈ្មោះ សន សាមិត្ត ប្រកបរបរចិញ្ចឹមជីវិតដោយការ​ផលិតអំបិល​នៅរដូវប្រាំង គាត់ទទួលបានជំនាញពីឪពុកម្តាយរបស់កាត់។ សកម្មភាពចំបងក្នុងការរកចំណូលសម្រាប់​គ្រួសារ​នៅរដូវភ្លៀងគឺប្រកបរបរនេសាទក្តាមនិងបង្គា។

ពី១ឆ្នាំទៅ១ឆ្នាំ ការផលិតអំបិលពឹងផ្អែកទៅលើអាកាសធាតុ។ នៅក្នុងឆ្នាំខ្លះរដូវប្រាំងវែងជាមួយអាកាសធាតុ​ក្តៅ​ខ្លាំង​បាន​ធ្វើឳ្យ លោក នួន នឹម មិនអាចផលិតអំបិលបានច្រើនឡើយ និងបានជួបការលំបាកយ៉ាងខ្លាំងជាច្រើន ដោយសារ​តែមិនមានប្រាក់គ្រប់គ្រាន់សម្រាប់ជួលកំលាំងពលកម្មក្នុងការសំអាតស្រែអំបិល។

បុគ្គលិករបស់អង្គការមរតកបានជួបជាមួយ លោក នឹម និងអ្នកភូមិជាច្រើន ដើម្បីជំរាបពួកគាត់អំពីលទ្ធភាព​ទទួល​បាន​ប្រាក់កម្ចី​ពីមូលនិធិនសហគមន៍(CRF)នៅក្នុងឃុំរបស់ពួកគេ។ លោក នឹមនិងអ្នកភូមិផ្សេងទៀត បានបង្កើតក្រុមដែល​ទទួលប្រយោជន៍ក្នុងបណ្តាញជំនួញខ្នាតតូចមួយចំនួន អាចឳ្យពួកគេមានលក្ខណៈសម្បត្តិទទួលបានកម្ចីពីCRF

លោក នឹម បានខ្ចីប្រាក់ពីCRFចំនួន១,៥០០,០០០រៀលប្រមាណជា៣៧៥ដុល្លារអាមេរិក ក្នុងការ​ពង្រីកផលិតផល​អំបិល។ បន្ទាប់មកការផលិតអំបិលបាន៣០តោន គាត់អាចរកកម្រៃបាន១២,០០០,០០០រៀល ល្មមអាច​ជួលកំលាំង​ពលកម្ម ប្រេងឥទ្ទនៈក្នុងការបូមទឹក និងការុងសម្រាប់ច្រកអំបិល។ គាត់បានសងប្រាក់កម្ចីនិងការប្រាក់ ព្រមទាំងសល់​ប្រាក់សម្រាប់ផ្គត់ផ្គង់ជីវភាពគ្រួសារទៀត។

បច្ចុប្នន្ន លោក នឹម មានបំណងដាក់ស្លាយីហោឳ្យបានត្រឹមត្រូវ ដើម្បីធ្វើឳ្យការលក់ដូរអំបិលរបស់គាត់ប្រសើរឡើង។ បន្ទាប់ពីការទទួលបានប្រាក់កម្ចី លោក នឹម ត្រូវបានគេជ្រើសរើសជាប្រធានបណ្តាញអ្នកលក់អំបិល គាត់និយាយថា​ការលក់ផលិតផលចំណេញល្មមអាចឳ្យកូនស្រីរបស់គាត់ទៅសាលា នឹងអាចជួយលើកកម្ពស់ជីវភាពបាន។

ត្រឡប់ក្រោយ