ដំណឹងជ្រើសរើស-បុគ្គលិកជំនួយការរដ្ឋបាលនិងការថែទាំបើកបររថយន្ត

អង្គការមរតកត្រូវការជ្រើសរើសបុគ្គលិក១រូប ចូលបំរើការជាជំនួយការរដ្ឋបាល និងការថែទាំបើកបររថយន្ត (Admin Assistant & Driver)

លក្ខណៈសម្បត្ដិ៖

បេក្ខជនត្រូវមានសញ្ជាតិខ្មែរនិងជាអ្នកមានទីលំនៅក្នុងសហគមន៍ជុំវិញដំបន់ឆកសមុទ្រកំពង់សោម។
មានសញ្ញាប័ត្រមធ្យមសិក្សាទុតិយភូមិឬរៀនចប់ថ្នាក់ទី១២ឬមានបរិញ្ញាប័ត្រកាន់តែប្រសើរ
មានសមត្ថភាពតែង/និពន្ធអត្ថបទរឿង ចេះគិតលេខ គណិតសាស្ដ្រ និងបទពិសោធន៍ផ្សេងៗ

ប្រាក់ខែ៖ ក្នុងកំរឹត D ចាប់ពីកាំទី១ ដល់ ទី៦ (ចាប់ពី ២៤៧ ដុល្លាអាមេរិក) អាស្រ័យដោយ ចំណេះដឹង និងបទពិសោធន៍

កាលបរិច្ឆេទជ្រើសរើស៖ ការទទួលពាក្យផុតកំណត់នៅថ្ងៃទី ១៥ ខែកញ្ញា ឆ្នា២០២០

ការដាក់ពាក្យសុំ៖ បេក្ខជនត្រូវរៀបចំពាក្យស្នើសុំចូលបម្រើការងារដោយខ្លួនឯងជាភាសាខ្មែរដោយបង្ហាញសមត្ថភាពរបស់ខ្លួន ផ្អែកតាមលក្ខណៈបម្រើការ និងភ្ជាប់ជាមួយនូវប្រវត្ដិរូបសង្ខេបដូចជាប្រវត្ដិសិក្សាអបរំនិងប្រវត្ដិបំរើការងារផ្សេងៗរួមទាំងឈ្នោះអ្នកធានាដោយមានបញ្ជាក់ពីអាស័យដ្ឋាន/ទូរស័ព្វទំនាក់ទំនង។ពាក្យស្នើសុំចូលបម្រើការងារត្រូវបញ្ជូនទៅកាន់ទីចាត់ការអង្គការ មរតកតាមអាសយដ្ឋាន៖ផ្ទះលេខ437, ក្រុម#7,ភូមិ/ឃុំ/ស្រុកស្រែអំបិល ខេត្តកោះកុង ឬអ៊ីម៉េលទៅកាន់ (tithsamol@gmail.com)។

អង្គការមរតកផ្ដល់ឱកាសស្មើភាពដល់បេក្ខជនទាំងអស់ដោយមិនប្រកាន់, ជាពិសេសលើកទឹកចិត្ដ ដល់បេក្ខជនដែលមានទីលំនៅខេត្ដកោះកុង/ព្រះសីហនុ និងដំបន់ក្បែរខាង។ ពត៌មានបន្ថែមសូមទំនាក់ទំនងៈ 097 74 39 718។

បញ្ជាក់៖ ការរើសបុគ្គលិកនឹងវាយតម្លៃទៅលើខ្លឹមសារនៃពាក្យពេចន៍ស្នើសុំបំរើការងារដែលសាម៉ីខ្លួនបានសរសេរដោយខ្លួនឯង ។ មានតែបេក្ខជនជាប់ឈ្មោះប៉ុណ្ណោះដែលនឹងត្រូវបានអញ្ជើញមកធ្វើសម្ភាសន៍ ។

បទពិពណ៌នាការងារជំនួយការរដ្ឋបាល និងការថែទាំបើកបររថយន្ត

I-ស្ថានភាពទូទៅ

ជំនួយការរដ្ឋបាល និងការថែទាំបើកបររថយន្តមានភារៈកិច្ចចូលរួមចំណែកជួយដល់ការអនុវត្ដរាល់សកម្មភាពគំរោងនិងកម្មវិធី នៃអង្គការមរតកនៅតាមតំបន់គោលដៅ ភូមិ/ឃុំ ស្រុក ក្នុងខេត្ដ កោះកុង និងព្រះស៊ីហនុ។ ជំនួយការរដ្ឋបាលនិងការថែទាំបើកបររថយន្ត ជាបុគ្គលិកធ្វើការពេញម៉ោងជួយការងារទីចាត់ការ មានភារៈកិច្ចជួយគាំទ្រ/សម្របសម្រួលរាល់កិច្ចការរដ្ឋបាល/ភស្តុភាក្នុងផ្នែកគ្រប់គ្រងទីចាត់ការ អង្គការមរតក។ ការអនុវត្តភារៈកិច្ចរបស់ជំនួយការរដ្ឋបាលនិងការថែទាំបើកបររថយន្តស្ថិតក្រោមការគ្រប់គ្រងរបស់ប្រធានទីចាត់ការហិរញ្ញវត្ថុវត្ថុដើម្បីជួយគាំទ្រដល់កិច្ចការរដ្ឋបាលនិងភស្តុភាមានដូចជា៖ ការថែទាំ លាងសំអាត ចាក់សាំង បើកបរ និងគ្រប់គ្រងយានយន្តគ្រប់ប្រភេទ/កាទូកណូត, ជួយលើកដាក់និង ជួស ជុល សម្ភារៈ/បរិក្ខារព្រមទាំងជួយកិច្ចការរដ្ឋបាលផ្សេងៗដូចជា ការថតចម្លង ការរក្សាទុកដាក់ឯកសារ និងកត់ត្រាបញ្ជីសមស្នាម។ល។

II-កិច្ចការក្នុងបន្ទុក

ជួយគាំទ្រ រាល់កិច្ចការរដ្ឋបាលទូទៅ ក្នុងទីចាត់ការ ដូចជាការថតចម្លង និង ទុកដាក់ឯកសារ
ថែទាំភស្តុភានិងទុកដាក់សម្ភារៈបរិក្ខារក្នុងទីចាត់ការដូចជាការលើកដាក់និងជុះជុល សម្ភារៈបរិក្ខារ ផ្សេងៗ
បើកបរយានយន្តទៅតាមការស្នើសុំនិងទុកដាក់ម៉ូតូ/យានយន្តឲ្យមានសណ្តាប់ធ្នាប់ដោយមានការលាងសំអាត
អនុវត្តភារៈកិច្ចផ្សេងៗ ដែលទាក់ទងទៅការគ្រប់គ្រងទីចាត់ការ ដូចជាកត់ត្រាបញ្ជីរស្នាម និង ផលិតឯកសារផស្តុភារ ។

III-ការងារសំខាន់ៗ

១/.ជួយគាំទ្រកិច្ចការរដ្ឋបាលនិងសណ្តាប់ធ្នាប់ការិយ៉ាល័យ៖

ការថតចម្លងទុកដាក់ឯកសារតាមការស្នើរសុំពីអ្នកគ្រប់គ្រងនិងតាមដានកត់ត្រាការប្រើប្រាស់ ក្រដាស់រ៉ាម
កត់ត្រាបញ្ជីរស្នាមរាល់លិខិត/ឯកសារ ចរន្ត (តម្កល់ទុកឯកសារចេញនិងចូល)ព្រមទាំងបញ្ជូនឯកសារទៅកាន់ស្ថាប័ននានា
ជួយគាំទ្រដល់ការទិញដូរសម្ភារៈក្នុងបុព្វហេតុរដ្ឋបាលដោយប្រើកញ្ចប់ថវិការខ្នាតតូចដូចជា៖តាតទូរស័ព្វ អំពូលភ្លើង និងជួយទូទាត់រាល់ការចំណាយផ្សេងៗទៅតាមការស្នើរសុំពីអ្នកគ្រប់គ្រង
ទទួលកត់ត្រាបញ្ជីរស្នាមរាល់ឯកសារ សុំច្បាប់ឈប់សំរាករបស់បុគ្គលិក និងរាយការណ៍ដល់អ្នកគ្រប់គ្រងអំពីបញ្ជីរស្នាម ។

២/. ជំនួយ ដល់ផ្នែករដ្ឋបាល និងភស្តុភាការិយ៉ាល័យ ៖

ជួយផ្ទៀងផ្ទាត់បញ្ជីរសារពើភ័ណ្ឌនៃសម្ភារៈបរិក្ខារការិយ៉ាល័យរបស់អង្គការ(កុំព្យូទ័រ ព្រីនធ័រ មួកសុវត្ថភាព អាវភ្លៀង និងសម្ភារៈ បរិក្ខារផ្សេងៗ) និងតាមដានជាប្រចាំទៅលើការប្រើប្រាស់និងប៉ាន់ប្រមាណទៅលើតម្រូវការផ្គត់ផ្គង់បន្ថែម
តាមដានការប្រើប្រាស់អគ្គិសនី ទឹកស្អាត (ប្រព័ន្ធសាធារណៈ) និងរាយការណ៍ដល់ប្រធានទីចាត់ការ និង ហិរញ្ញវត្ថុវត្ថុអំពីការខូចខាតនិងតម្រូវការជួសជុលព្រមទាំងបញ្ឆេះមាស៊ីនភ្លើងនៅគ្រាដែលចរន្តអគ្គីសនី សាធារណៈត្រូវបានកាត់ផ្តាច់
បំពេញភារកិច្ចផ្សេងទៀត ទៅតាមការស្នើសុំប្រធានទីចាត់ការ/ហិរញ្ញវត្ថុ មន្រ្តីរដ្ឋបាល និងភស្តុភា ។

៣/. បើកបរ និង គ្រប់គ្រង យានយន្ត

គាំទ្រដល់ការប្រើប្រាស់ប្រេងឥន្ធនៈសំរាប់យានយន្តដូចជាចាក់សាំងបំពេញធុងសាំង៖ ម៉ូតូ / រថយន្ត និងរាយការណ៍ជាប្រចាំដល់អ្នកគ្រប់គ្រងអំពីការប្រើប្រាស់ប្រេងឥន្ធនៈ ។
គាំទ្រដល់ការថែទាំនិងលាងសំអាតយានយន្តដូចជាការបញ្ជូលខ្យល់ទៅក្នុងពោះវៀនកង់ពិនិត្យប្រេងម៉ាស៊ីន និងតាមដានការចុះបញ្ជីរ គីឡូម៉ែត្រនៃការប្រើប្រាស់ ចតទុកដាក់ឲ្យបានសមរម្យ និងរាយការណ៍ដល់អ្នកគ្រប់គ្រងអំពីតម្រូវការជួសជុល។
ផ្តល់អន្តរាគមន៍ដល់ការបើកបរយានយន្ត ដឹកជញ្ជូនសម្ភារៈបរិក្ខារ និងបុគ្គលិកចុះប្រត្តិបត្តិការណ៍តាមការស្នើសុំប្រធានទីចាត់ការ/ហិរញ្ញវត្ថុ មន្រ្តីរដ្ឋបាល និងភស្តុភា។

ប្រវត្តករណីៈ ការធ្វើអោយប្រសើរឡើងហិរញ្ញវត្ថុសហគមន៍

ប្រវត្តករណីៈ សហគមន៍នេសាទជ្រោយស្វាយ

ប្រវត្តករណីៈ មាសសរពីទឹកសមុត្រ

ប្រវត្តករណីៈ ស្តារភាពសុខដុមឡើងវិញនៅភ្នំទ័ពជាង