បច្ចុប្បន្នគម្រោងនេះមានរយៈពេល៣ឆ្នាំដែលគាំទ្រការងារទាំងអស់របស់អង្គការមរតក ក្រោមជំនួយ​មូលនិធិដំបូងពីអង្គការ Bread for the World ដែលមានមូលដ្ឋាននៅប្រទេសអាលឺម៉ង់​រួម​ជា​មួយម្ចាស់ជំនួយផ្សេងៗក្នុងការគាំទ្រផ្នែកតូចៗនៃគម្រោងធំ។

ប្រជាជនជាច្រើនកំពុងរស់នៅជុំវិញឆកសមុទ្រកំពុងសោមគឺពឹងអាស្រ័យនិងធនធានធម្មជាតិ​ផ្សេងៗ​​ក្នុងការ​ចិញ្ចឹមជីវិត ហើយដែលភាគច្រើនប្រកបរបរកសិកម្មតាមបែបបុរាណ្យរួមទាំងពឹង​ទៅលើត្រីនិងធនធានផ្សេងៗនៅក្នុងទឹករួមទាំងអនុផលព្រៃឈើផងដែរ។

ទោះបីកម្ពុជាមានការអភិវឌ្ឍឆាប់រហ័សក៍ដោយ ភាពក្រីក្រនៅតំបន់ជនបទមួយចំនួនបានខ្លាយទៅជាបញ្ហានៃវិសមភាពទ្រព្យសម្បត្តិ ហើយការទទួលបានទ្រព្យសម្បត្តិរួមវារិតតែមានបញ្ហា អត្រាប្រជាជនកើនឡើង សកម្មភាពរកចំណូលបែបប្រពៃណីថយចុះ និងប្រព័ន្ធអេកូរត្រូវត្រូវធ្លាក់ដល់កម្រិតមិនអាចកែប្រែបាន។ ដូចនេះត្រូវការនូវវិធីសាស្រ្តដែលមានប្រសិទ្ធភាពក្នុងការអភិវឌ្ឍនសង្គមសេដ្ឋកិច្ចនិងការអភិរក្ស។

អង្គការមតរកលើកកម្ពស់ការគ្រប់គ្រងធនធានធម្មជាតិនៅសហគមន៍និងការអភិវឌ្ឍមុខរបរចិញ្ចឹមជីវិតជាមធ្យោបាយក្នុងការបង្កើនការផ្តល់អំណាចដល់មូលដ្ឋាន ដើម្បីធ្វើអោយនិរន្តភាពនៃការប្រកបរបរចិញ្ចឹមជិវិតនានានៅជនបទប្រសើឡើងរួមទាំងសម្រេចគោលដៅទាំងបរិដ្ឋាននិងការអភិវឌ្ឍ។

គោលបំណងរបស់គម្រោងមាន ១) ធ្វើឱ្យប្រសើរឡើងសុវត្ថភាពចំណីអាហារនៃសហគមន៍គ្រួសារក្រីក្រ ២)សហគមន៍ក្នុង១៤ឃុំស្ថិតនៅជុំវិញឈូងសមុទ្រកំពង់សោមទទួលបានការការពារជលផល ព្រៃកោងកាង និងធនធានធម្មជាតិផ្សេងៗ ដោយសហការជាមួយអាជ្ញាធររដ្ឋាភិបាល ៣)សហគមន៍ក្នុង១៤ឃុំនៅជុំវិញសមុទ្រកំពង់សោម បង្កើតវិធានការសម្រាប់បន្ស៊ាំនឹងការប្រែប្រួលអាកាសធាតុ ព្រមទាំងការគ្រប់គ្រងហានិភ័យគ្រោះមហន្តរាយ ដោយសហការជាមួយក្រុមប្រឹក្សាឃុំ។ អង្គការមរតក​ធ្វើការជាមួយប្រជាជនក្រីក្រលើស១០០០នាក់ ដោយរៀបចំចងក្រងក្រុមចងការប្រាក់ចំនួន១៥៥ក្រុមដែលភាគច្រើនជាស្រ្តីរហូត៧០%។ ក្រុមចងការប្រាក់ជាធម្មតាយកទៅប្រកបរបរដាំដំណាំ ប្រកបមុខរបរចំនួញខ្នាតតូច និងក្រុមអ្នកនេសាទត្រីឬក្រុមសន្សំប្រាក់នានាទៀត ដោយទទួលបានអត្ថប្រយោជន៍ដូចៗគ្នា។ ក្នុងចំណោម១៤ឃុំគោលដៅ ក្រុមចងការប្រាក់ខ្លះទទួលបានមូលនិធីបង្វិលរបស់សហគមន៍ដើម្បីបង្កើត ពង្រីក ឬក៍ដំណើការគម្រោងសហគ្រិននានា។ ក្រុមនិមួយៗតម្រូវឳ្យកសាងនូវលក្ខន្តិកផ្ទៃក្នុង បទបញ្ជាផ្ទៃក្នុង និងរៀបចំផែនការផ្សេងៗក្នុងការរកស៊ី។

ទីផ្សារនៃផលិតផលសហមន៍ត្រូវ​បានជួយតាមរយៈបណ្តាញអ្នកជំនួញសហគមន៍ ដែលជួយអ្នកផលិត​អនុវត្តន៍ទៅតាមស្តង់ដា រួមទាំងការវេចខ្ចប់ និងការរកប្រភពទីផ្សារនានាសម្រាប់ការលក់ផលិតផលផ្សេងៗ។ អង្គការមរតកឥឡូវនេះកំពុងជួយឳ្យបណ្តាញអាជីវកម្មទទួលបានឋានៈជាសហករណ៍កសិកម្មជាផ្លូវការ។ អង្គការមរតកក៍ធ្វើការជាមួយអង្គការសហគមន៍មូលដ្ឋានចំនួន១៩ផងដែរទៅលើការគ្រប់គ្រងធនធានធម្មជាតិមានប្រមាណ៥៨.៩៤៩ហិចតារួមមាន៖ សហគមន៍នេសាទចំនួន៨ សហគមន៍ព្រៃឈើចំនួន២ និងតំបន់ការពារដោយសហគមន៍ចំនួន៩។ ក្រុមទាំងនោះប្រតិបត្តិទៅតាមរដ្ឋបាលជលផល រដ្ឋបាលព្រៃឈើ និងក្រសួងបរិដ្ឋាន។ ក្រុមទាំងនោះរួមបញ្ចូលអ្នកដឹកនាំដែលជាប់ឆ្នោតចំនួន១៨០នាក់ មាន២០%ជាស្រ្តី ហើយប្រមាណ១៥.១៩៩នាក់ជាសមាជិកនៃអង្គការសហគមន៍មូលដ្ឋាន ក្នុងនោះមានស្រ្តីនិងក្មេងស្រី៧.៧០៥នាក់ ដែលទទួលផលប្រយោជន៍ផ្ទាល់ឬដោយប្រយោលពីធនធានធម្មជាតិ អេកូរទេសចរណ៍ នេសាទរ និងការប្រមូលផលពីអនុផលព្រៃឈើផ្សេងៗ ប្រកបដោយនិរន្តរភាព។

ត្រលប់ក្រោយ