គម្រោងជលផល
ក្នុងខែវិច្ឆិកា ឆ្នាំ២០១៦ ដោយមានការគាំទ្រពីICCO Cooperation អង្គការមរតកចាប់ផ្តើមគម្រោជលផលថ្មីមួយដែលមានរយះពេល៣ឆ្នាំក្នុងបំណងជួយគ្រួសារអ្នកនេសាទចំនួន៥ឃុំដែលរស់នៅជុំវិញឆកសមុទ្រកំពង់សោម ដើម្បីបង្កើនចំណូលតាមរយៈការនេសាទប្រកបដោយចីរភាព ការទទួលបានកំចីហិរញ្ញវត្ថុ និងធ្វើឳ្យប្រសើឡើងនូវបច្ចេកទេសទីផ្សា។ ឃុំចំនួន៥មាន៖ ឃុំ ជីខក្រោម ឃុំជ្រោយស្វាយ ឃុំអណ្តូងទឹក ឃុំថ្មសរ និងឃុំទំនប់រលក។
គម្រោងនេះមានគោបំណង៣៖
- ធនធានជលផលត្រូវបានគ្រប់គ្រងប្រកបដោយប្រសិទ្ធភាពដោយសហគមន៍នេសាទ ក្នុងមធ្យោបាននិរន្តរភាព។
- គណៈកម្មការមូលនិធិបង្វិល(CRF)គ្រប់គ្រងប្រាក់កម្ចីប្រកបដោយប្រសិទ្ធភាព និងរក្សានូវផលចំណេញក្នុងអាជីវកម្ម អាចកំណត់បានច្បាស់និងរក្សាបាននូវចីរភាព ដោយកែលម្អនូវសេវាហិរញ្ញវត្ថុប្រកបដោយនិរន្តរភាពដល់ក្រុមគ្រួសារអ្នកនេសាទ។
- បង្កើនចំណូលដល់ក្រុមគ្រួសារអ្នកនេសាទតាមរយៈ”ការបន្ថែមតម្លៃ” និងការទទួលបាននូវទីផ្សារកាន់តែប្រសើរឡើង។
គម្រោងនេះ អង្គការមរតកទទួលបានជំនួយបច្ចេកទេសពីអង្គភាពសហគ្រិនភាពសម្រាប់ជនបទនិងការដាក់បញ្ចូលទីផ្សារកម្ពុជា(REMIC) ដើម្បីជួយកែលម្អដំណើរការបច្ចេកទេសផលិតម្ហូបអាហាររបស់សហគមន៍ និងការនាំផលិតផលរបស់ពួកគេទៅកាន់ទីផ្សារ។